*رجعت الشتوية*

الدنيا بتمطر ..
اخيرا .. بتشتي ( على رأي اهل الجميلة اسكندرية .. و فيروز)
يااه وحشني المطر قوييي
و ريحة المطر ..
و ملمس المطر لما تمشي تحته ..
و صوت المطر على سقف العربية و هو بيدخل مع صوت فيروز و منير و هما بيغنوا ..
وحشني نور العربيات و هو باين بيلمع من ورا زجاج العربية الغرقان نقط مطر ..
وحشتني السواقة و في ايدي كباية نسكافيه سخنة علشان تدفيني ..
و حشني شكل الشبورة اللي بتتكون من انفاسي على زجاج العربية و هي بتسيح و تختختفي لما افتح الشباك للهواء الساقع علشان يندخل ..
وحشني اللف في شوارع القاهرة و الأرض غرقانة خير و مطر .. بتبقى حلوة قويي .. و الانوار بتنعكس على الشارع كأن القاهرة اتزوقت بكل الألوان ..

و حشني صوت فيروز الدافي تحت المطر و هي بتغني .. و انا بغني معاها بكل فرحة ..

رجــعــت الشــتــويــة