توتة توتة
تــــوتة .. تــــوتة
قلبك بداية الحدوتة
تــــوتة .. تــــوتة
وانا قلبى عصفور فى سماكى
فى قلبه غنوة .. ومكبوتة
تــــوتة .. تــــوتة
توتة وضلة وقلة وناى
يا قطر احلامنا النساى
ازاى تروح وازاى مش جاى
وانا فيك مواعد البنوتة !
تــــوتة .. تــــوتة
توتة وتحتها نتلاقى
الشمس جاية ومشتاقة
تلمحنا واحنا بنتشاقى
تغنى .. وتروح مبسوطة
تــــوتة .. تــــوتة
حدوتة ملهاش ولا معنى
لو يوم ماجتش تجمعنا
من غيرنا هيضيع المعنى
ولا تبقى حلوة وملتوتة
تــــوتة .. تــــوتة
*أغنية "توتة" .. غناء و الحان .. وجيه عزيز
Posts
