I Can Always .. Smile

الضحك قال يا سم ع التكشيـــــــر

امشير و طوبه وانا ربيعي بشيـر

مطرح ما باظهر بانتصر ع العدم

انشالله أكون رسماية بالطباشيــر

عجبي !!!!

ايوة .. انا عارف اتغير

" انت اتغيرت قوي"
"انت ماكنتش كدة ايام الكلية"
"انا ماكنتش اعرف ان انت عندك الافكار دي و التوجه ده .. ماكانش باين خالص"

كام مرة سمعت الكلام ده في السنتين دول !
كتير .. يمكن ماقدرش افتكر قد ايه ..
بس بجد .. في كل مرة كنت باسمع الكلام ده .. منت بحس احساس غريب .. احساس اني عايش فعلا .. مش عايش و خلاص

السنتين اللي فاتوا .. و بالذات من بعد ماخلصت الدراسة في الكلية .. اتعرضت لحاجات كتير ماكنتش اعرف عنها اي حاجة قبل كدة .. و اتعلمت حاجات كتير قوي .. غيرت تفكيري و خلتني اشوف فرص جديدة .. عرفتني حاجات مش عارف او مش قادر اتخيل كنت هاكون عامل ازاي منغيرها ..

التغيير مش شرط يكون عن طريق القراءة بس -و ان كان ليا انا شخصيا القراءة من اهم و امتع المصادر- لكن التغيير بييجي عن طريق كل حاجة حواليك .. و بيكون تأثيره في كل حاجة برضه

يعني ايه ؟؟
يعني افتح عقلك و افتح قلبك للتغيير .. افتح عقلك للدنيا من حواليك .. بص تاني على الحاجات اللي بتشوفها بقالك سنين و بتقول عليها "عادي" .. افتح قلبك و بص لنفسك من اول و جديد .. كأنك لسة بتشوفك لأول مرة .. اتعرف عليك كويس شوف ايه بتحبه و ايه مابتحبوش و ليه .. شوف نفسك في ايه .. ماتكبتش حلمك جواك و تسكته .. اسمعه .. و فكر ازاي تقدر تحققه .. اكيد هايكون في طريقة .

من حوالي سنة و شوية .. كنت مريت بتغييرات في طريقة تفكيري .. نتيجة مواقف معينة و ابتديت ابص للأشياء بمنظور مختلف ..
في ثواني فتحت عقلي و قبلت فكرة ماكنتش جت على بالي قبل كدة .. قلت خليني اجرب .. و جربت فعلا .. و التجربة فتحتلي الباب لفرص كثيرة كانت بالنسبة لي مش اكتر من احلام بتمنى اني في يوم من الايام اكون محظوظ و اقدر احققها -مع اني ماكنتش جربت اصلا!-

في وسط التجربة الجديدة دي .. اتعرفت على طريق .. كنت سمعت عنه لاكني ماشفتوش قبل كدة .. اتعرفت عليه عن طريق حد دلني .. و قالي طيب جرب .. و رحت فعلا و جربت .. و اتعلمت فيه حاجات كتير قوي عن الدنيا .. و الاهم عن نفسي .. و لحد النهاردة .. بشوف تأثيره عليا و قد ايه كانت خطوة مهمة اني اخدها في الوقت ده .. مع اني قبليها بيومين .. ماكنتش اعرف عنها اي حاجة !

من سنة يمكن فكرت اني اغير مجرى شغلي .. مع اني كنت شغال في مكان كويس .. و باخد مرتب محترم .. قررت انه لأ مش ده اللي انا عايزه -على الأقل دلوقت- و قعدت مع نفسي لمدة اسبوعين .. بشوف انا عايز ايه .. و انفع في ايه .. و اللي انا عايزه ده .. اقدر احققه ازاي .. في الفترة دي اتعرفت على نفسي بشكل كبير .. احنا فعلا ممكن نفضل عايشين حياتنا كلها .. منغير مانعرف نفسنا .. بنعمل اللي اتقال اننا مفروض نعمله .. منغير مانعرف احنا عايزين ايه اصلا !
النهاردة بعد ما عدى حوالي 8 شهور .. حققت حوالي 75% من الاهداف اللي كنت حاططها للفترة دي .. و الحمد لله لسة بحاول احقق الباقي .. و عارف انه طالما انا مؤمن اني هاوصله .. يبقى ان شاء الله هاوصل.

من اكتر الحاجات اللي لما بفتكرها ببتسم قوي .. ان في برنامج الأساسية في شغلي الفترة اللي فاتت .. من سنة ماكنتش اعرف عنه اي حاجة .. و اتعلمته في شغلي القديم خالص مش علشان محتاجه .. انما علشان حسيت ان البنت اللي عندها عشر سنين و لبسة لبس الباليرينا و بترقص للعب و العرايس بتاعتها صعبانة عليا قوي .. و قلت لأ لازم اجيبلها قاعة اوبرا ترقص فيها .. و ده كان اول خطواتي في التعامل مع البرنامج !

"انت واخد بالك من الفرق في كلامك بين اول ماسبت شغلك القديم و كنت بتدور على ايه الطريق اللي مفروض تمشي فيه .. و الكلام اللي بتقوله النهاردة و انت بتختار بين فرصتين في المهنة اللي انت اخترتها لنفسك ؟"

قد ايه لما سمعت الكلام ده حسيت اني فعلا لازم احمد ربنا على الفرص الكتير اللي شفتها و خدت بالي منها مع انها في العادي كانت هاتفوت من قدامي ولا كأني شفتها

طيب انا عمال بقول الكلام ده ليه و عمال ارغي كل ده ليه ؟

اولا علشان اعرف نفسي انا فين النهاردة .. و امبارح كنت فين .. و ليه انا هنا النهاردة .. و انه لولا اني فتحت عقلي و قلبي للتغيير ماكنتش عمري هاكون هنا .. و انه لو في يوم حسيت اني كدة خلاص انا اتعلمت كل اللي مفروض اتعلمه و ان مفيش حاجة تانية محتاج اتعلمها .. ده هايكون اليوم اللي هارجع فيه مش للصفر .. لأ .. دا هايكون اليوم اللي مش هلاقي فيه الصفر اصلا و علشان كدة .. مفيش غير طريق واحد بس .. اتعلم .. من كل حاجة كبيرة او صغيرة اشوفها .. و افضل باصص لقدام ..

الحاجة التانية .. ان لو في حد بيقرا شوية التخاريف اللي بكتبهم دول .. عايز اقول له .. ارجوك ماتخفش .. ماتخفش تجرب .. ماتخفش من الحاجة الجديدة .. ماتخفش من التغيير .. سيبك من موضوع ان اللي تعرفه احسن من اللي ماتعرفوش .. و انك ماتقدرش .. ماتخليش عقلك يضحك عليك و يقول لك انك مش هاتقدر .. لأنك ببساطة شديدة .. لو جربت و كنت مصر انك تحقق هدفك .. هاتقدر قوي كمان .. و هي خطوة واحدة .. و هتلاقي في حاجات كتيرة طهرت قدامك و فرص كتير انت ماخططلهاش اصلا ظهرت قدامك و بقت بين ايديك .. و هاتحس قوي بثقتك في نفسك و انك تقدر تحقق اللي بتحلم بيه .. و يوم ما ده يحصل .. و فعلا تبتدي تتغير .. خد بإيد اللي حواليك .. ساعد الناس انها تحقق حلمها .. و تأكد ان ده هايرجع عليك بخير .. حتى لو انت مش منتظر من وراه حاجة.

حاجة اخيرة بقى .. هي مش حاجة انا هاقولها من عندي .. هي كلام مقتبس عايز اكتبه ..
الاول
"You Can, If You Think You Can"

التاني بقى و ده بطل اساسي في الحدوتة اللي فوق دي ..

"نقدر ؟ .. طبعا نقدر"

مراسلكم من شرم الشيخ

well the news is right .. am in sharm :D

lol why am posting this .. not that it matters to anyone - lol or maybe it does-
am posting this coz ive found free internet service @ cook door where i've just had a "Friday combo" lol which by the way tastes so much better than the old friday and here @ sharm the service is super cool .. the prices aswell are super high compared to cairo's :D
but why shall i care i did really enjoy the meal :D

so wut am i doing @ 3:40 am in cook door ? u may wonder
lol long story .. but believe me no one would like to know it :P

maybe only one really know it .. if we didnt count the hotel's staff who'd know each single detail about it :D


lets just say ive met some unwelcomed guests at the "4" stars hotel am in :P
4 stars my .... lol wala balash :P khalina mo2adebin :D

so thanks to some gr8 human being .. who told me to go walk if am not feeling so tired .. ive turned the bad evening into one am enjoying big time !

although deep in the sole of the world .. all things .. are really one ( lol the alchemist is still affecting me .. gr8 novel by the way ! )

well so i took a cab to cilantro @ "El Merkato"
which was already closed :P

but the Cilantro guys .. are cilantro guys .. wherever .. whenever !
althogh they were closed .. they fixed me a cuppucino
u can imagine how happy my 2 thirds sleepy mind was .. welcoming the smell of some fresh coffee !

i had my cupp .. charged my cell @ cilantro and took off wandering @ el merkato

walking through the long passage .. found some 6-9 yrs old kids playing .. jumping with gr8 joy !

lol couldnt help capturing some pics of them lol ( wish ive had my camera cable to post the pics .. but as quoted from the alchemist :P "Maktub" )

afterwards i took some pics .. the security came and asked me a hilllllllarious question .. in the well known "mokhber style" :D
sec: aywa ya fandem
moi: aiwa na3am ?
sec: "7aderetak taba3 min ? "
annee: taba3 el taba3o :P .. eih taba3 min eih el su2al dah ?? howa ana lazem akun taba3 7ad !
sec: la2 asl 7adretak mamnu3 el taswir fel mall ba3d el sa3a 2 ( na3aaaam !!!)
7adrety: yaslaaam ? w da leih ba2a ??
sec: awamer el modir w 7adretak materdash net2ezy ... etc
ana bardak: khalas ya 3am ana mayrednish azeyatak .. mesh hasawar B-)
sec: bas law 7aderatak 3ayz soora leek ana momken asawarak
Me: shokran ya gamil :)

lol isnt really gr8 to communicate with ppl !

then i headed to cookdoor and u know the rest :P


so i have and i want and i must .. thank that only person who knows about the unwelcomed guests .. for that sweeeeeeeeet idea given to me !

i really enjoyed the night interacting with ppl !

still ill have to wait till 6 am to get things worked out .. but so wut .. am all caffed up B-)

i dunno why did i write this post in eng ! maybe the surrounding had it effect on me :P

lol no kidding .. am just faster that way :D ( LAAAME :P )

i might write it in arabic when am home .. or i may even delete it lol whoooo knows ! :P

but i enjoyed it as i enjoyed this night :)

so thanks again my guarding angel .. its the best feeling .. when u know that despite anything .. there's someone u can always turn to .. together .. against all odds

lol yea one last thing ..

We'd never find happiness .. unless we try to fulfill our destinies ..
no matter if we reach the end of the road or not ..
in the road .. lies true happiness .. and true love

so plzzzzzz
never give up on ur dreams !

a dream can always lead u to a better perception of ur present .. and most imp .. ur future :)

dreams .. do come true .. when we believe in them .. go all the way to fulfill them lol :)

i'll just go coz the guys here will close ( its 4 am already lol ! )

so all u ppl out there ..

live ur life to the maximum !


** Thank You .. desert woman ( may also be known as Esther, The Zahir)**

You're my real treasure :) (F)(F)(F)

لو كنا طيور

لو كنا طيور .. في السما بندور
كنا هانتهنى ..
ولا كنا احتجنا ..
لبيوت .. و قصور
لو كنا طيور ..
في السما بندور

* من أغنية " لو كنا طيور" , احمد منيب

غمست سنك في السواد يا قلم ..
علشان ماتكتب شعر يقطر .. ألم
مال جرالك ايه ؟ يا مجنون !
و ليه رسمت وردة و بيت .. و قلب وعـلم !

عجبي

قول معايا .. قول بجد

يوم التلات اللي فات ده .. و بعد يوم طويل و مشاوير و غدا برة البيت و لف ..
رحت على الساقية انا و واحد صاحبي علشان نحضر حفلة وجيه عزيز ..
الحفلة دي انا كنت فعلا مستنيها من فترة مش قلبلة .. و المفاجأة - لصاحبي على الأقل- ان دي كانت اول حفلة احضرها ليه ..
وجيه عزيز عرفته من حوالي سنتين عن طريق واحد صاحبي كان جابلي اغاني ليه .. و من اول ماسمعته .. علقت كلماته و موسيقته معايا جامد اوي .. يمكن لأنه قريب من المزيكا العربي اللي بحبها .. سيد درويش و الشيخ امام و منير .. و اختياره للكلمات كمان مميز قوي ..

من و انا في السكة للساقية .. وانا بدنن

قول معايا قول بجد ..
هي عيشة ولا موتة .. ولا فوتة في حارة سد !
قول لحد اي حد

من الحاجات اللي احترمتها جدا .. ان وجيه عزيز و فرقته كانوا على المسرح الساعة 9 بالظبط منغير تأخير !

ابتدى وجيه عزيز بلعب سولو على العود .. هو ليه طابع خاص اوي في لعبه عالعود

و ابتدى بعد كدة يغني .. اللي لفت نظري و كنت مستغربه قبل بداية الحفلة .. عدد الناس الكبير .. انا ماكنتش متخيل ان حفلة لوجيه عزيز يكون فيها العدد ده .. بس طلع ليه جمهور كتير و كبير .. و من الواضح ان اغلبية الناس دي متابعة اعماله .. و حفلاته ..

اغلبية الاغاني اللي غناها .. كان الناس بيغنوها معاه و في كتير من الاوقات كان هو بيكتفي باللعب عالعود و الناس هي اللي بتغني .. في تفاعل رائع بينه و بين الجمهور ..
و كأن وجيه عزيز حاسس باللي في قلب كل اللي كانوا موجودين ..
الناس عايزة تتكلم .. و عايزة تتسمع .. عايزة تغني .. منغير ماتحس انها مكسوفة .. او اكتر من كدة .. انها خايفة !

قول لحد اي حد ..
حد رايح حد .. حد غايب .. حد جاي
حد لسه فينا فايق .. حد حي

غنى وجيه عزيز كمان اغنيتين لمنير .. حاضر و الفرح شاطر

و انا لسة قادر .. في الحزن افرح هييه

الطريقة اللي الناس كانت بتغني بيها - و انا كمان- تحسسك قد ايه الكلام كان لامسهم .. و بعد فترة من الغنا و المزيكا .. اغلب الناس كانت "اتدفست" في كراسيها .. و فردت رجليها و نزلت بجسمها لتحت .. تحس ان الناس نفسيا كانت في حالة راحة .. ماحدش مكسوف يغني .. ولا يصقف و لا انه يقول ياسلام بصوت عالي و يتنهد على سولو عجبه او كلمة لمسته من جوا .. الناس كانت حاسة انها كلها في مركب واحد .. احاسيسهم واحدة .. حتى همهم قبلوا انهم يشاركوه بينهم .. منغير كسوف .. منغير قلق من تقبل الناس ليهم

ياولاد خالات ياولاد اعمام ..
البرج بحري في الغرام ..
و ال"الجلب" من جوا الصعيد ..
و النيل وطن ..
النيل وطن

كانت اول حفلة احضرها لوجيه عزيز .. لكن بالتأكيد مش هاتكون الاخيرة ان شاء الله ..

الحالة اللي كان الناس فيها .. لوحدها كافية انها تخليك تحضر حفلة زي دي في وسطهم .. و "تتدفس" جوا قلوبهم

قول ياعم ..
قول يا هم ..
قول .. لحد لسة فينا عنده دم

خلصت الحفلة .. قامت الناس علشان تروح .. الناس ماشية بخطوات ضيقة .. على وشوشهم ابتسامة طالعة من جواهم قوي .. بيسوعوا لبعض الطريق و بيستنوا بعض .. و لسة بيدندنوا بكلمات الاغاني ..
طلعت انا ركبت العربية .. و كان لسه فيه اغنية مستنيها ماسمعتاهاش .. قلبت التراكس لحد ماجبتها .. و قلت لصاحبي بنبرة صوت تدل على مدى اهمية اللي هاقوله .. "اسمع بقى وجيه عزيز .. و هو بيغني كلام عم فؤاد "

فنان فقير على باب الله ..
الجيب مافيهشي ولا سحتوت ..
والعمر فايت بيقول آه ..
القطر فايت بيقول توت ..
صحيتني ليه يا شويش يا شويش ؟؟
دانا كنت سارح في الملكوت .. لما بنام بحلم و بعيش ..
لما بفوق .. مابافقش .. بموت
و تقول عليا كبير السن .. و انا في قلبي ولد كتكوت
و تشوفني ببكي .. و بنعي و آئن
و الدنيا لسة بنت بنوت