مـطـرة

الدنيا مطرت الليلة دي ..
و السما نورت من البرق ..
يعني الشتا خلاص شوية صغيرين و يرجع تاني ..
وحشتني اوي ريحة الزرع بعد المطر ..
و وحشني اوي الشتا

كما تفتقد الفراشات الزهرة في الخريف .. افتقدك
كما تفتقد الارض العطشة قطرة المطر .. افتقدك
كما تفتقد اوراقي القلم .. افتقدك
كما تفتقد زهرة عباد الشمس نورها .. افتقدك
كما يفتقد العصفور شجرة كان له بها بيت .. افتقدك ..

افتقدك ..

كلما جلست بهذا المقهى ..
كلما مررت بين تلك الاشجار ..
كلما داعب عطر مسك الليل انفي ..
كلما استمعت الى صوت فيروز ممزوج بقطرات المطر ..
كلما وقفت تحت المطر اراقب البرق مبتهجا ..
كلما ادفء اذني صوت داليدا ..
في كل مرة اجوب الطرقات وحدي شتاءا ..
في كل مرة أقف اما هذا الشاطئ ..
في كل مرة افكر في هذا اليوم ..

كلما شممت عطرك المفضل ..


افتقدك ..
افتقدك ..
افتقدك ..

كلما كتبت سطرا .. لا تقرأيه

القلب .. و ما يريد

في الدنيا بنقابل كتير ..
بنحب .. بنكره .. نبعد .. نقرب ..
قالوا زمان ..
القلوب و ما تريد ..
و انا قلبي رايد قلب ..

يفهم و يقدر .. و يغلط ساعات ..
يسامح .. لكن في الحق .. ماهوش سلبي ..
في الفرحة .. و الحزن .. الاقيه جانبي ..
بيمد ايده لواحدة عاجوزة .. يعديها الطريق ..
يضحك من قلبه لضحكة طفل ..
القطة لو شافها عطشانه .. هايمد ايده تبل الريق
يشكر من قلبه الناس .. و يرد الخير بالخير

وقت الشدايد قدها ..
لكن قلبه ماهوش حديد ..
ايده مايرفعهاش غير في الحق ..
و لا ابدا على عاجز عن رد ..
ما بيصطدش العصفور علشان يلعب
ولا يضربش بقسوة حمار

يعرف يفكر و يتعلم ..
و ساعت يبقى مجنون ..
طفل صغير عنده 10 سنين ..
بيحب يمشي تحت المطر و فــ ايده ايس كريم ..
يلعب مع الموج على الشط و مايقلش .. اصلي أخاف اتبَل ..

في قلبه حلم عايش عشانه ..
من قلبه بيدي .. و مش مستني الرد
و عارف ان خيره في خير غيره ..
و ان الواجب .. مش احسان ..

قالوا زمان .. القلب و مايريد ..
و انا قلبي رايد ..
رايد انسان

ا ح ل م

قبل ما تحلم فوق .. علشان تبقى عارف انت بتحلم بإيه ..
بس لما تحلم .. صدق حلمك قوي ..
خليك وراه ..
اياك تسيبه يهرب منك ..
و اوعى .. اوعى ..
في وسط ما انت بتحاول ..
تسمع صوت حد بيقولك .. ده مجرد حلم .. عمره ما هايتحقق
اوعى تصدقه ..
و تبص حواليك .. و تسيبه يهرب منك ..
و فجأة .. تلاقي نفسك وقعت من سابع سما ..
زي في افلام الكارتون ..
تقع من فوق السحاب.

مش هاننسى

We Wont Forget

حاكتب .. في يوم

عايز اكتب .. مش عارف عن ايه بالظبت ..
بس حاسس اني عايز اكتب ..
كان في قصيدة لـصلاح جاهين اسمها .. "قصيدة"
بيحكي فيها عن حاجات كتير عايز يكتب عنها في يوم من الأيام ..

ساعات كتير انا ببقى عامل كدة تمام ..

عايز اكتب عن حاجات كتير قو ي .. بس مش لاقي الكلام ..
او في بعض الأوقات .. تعودي على السكوت .. بيخليني مش باكتب ..
ساعات مش باكتب يمكن علشان عارف ان اللي ممكن يكون بيقرى البلوج ده .. ناس تعرفني شخصيا .. يمكن مش باكتب .. علشان -مش بخاف- لكن مش بعرف اجاوب عن بعض الأسئلة - زي ليه و امتا و مين - مع اني انا نفسي بسألهم ساعات .. لكن يمكن مع اني بسألهم .. الا اني مابحجرش على حرية حد في عدم الرد .

يمكن في ساعات مش باكتب .. علشان شايف ان اللي باكتبه ممكن يكون ليه عواقب انا مش حاببها .. و علشان كدة ساعات كتير بأحتفظ باللي بكتبه لنفسي ..
اه ايوة .. ساعات بخاف من الكتابة .. و علشان كدة ساعات كتير بتبنى موقف "لا تعليق" لانه لو الحاجة اللي حاكتبها حاسس انها ممكن تلخبط الدنيا .. اللا اني مش ممكن اكتب حاجة انا مش مصدقها .. فا بسكت .

يعني شوف .. قلت عايز اكتب .. و كتبت كل اللي فوق ده .. عن اسباب عدم الكتابة .. !

و مع ذلك .. انا لسة عايز اكتب .. و فعلا بحاول كتير اني اغير ده .. و اكتب اللي عايز اكتبه من غير ما أفكر .. اكتب و خلاص

اديني بحاول اهه .. و اكيد اكيد في يوم ..
حاكتب

بقالي كتير قوي ماكتبتش اي حاجة هنا ..
الكتابة بتوحشني فعلا ..
بس ليه الكلام بيهرب مني لما أدور عليه ..
فقررت من شوية وقت كدة ..
انه لما يهرب .. مادورش عليه
*****
نصيحة لكل حد عايز يحافظ على اللي بيحبهم ..
ماتحاكمهمش ..
انصح من قلبك ..
بينك و بينهم
*****
عندي رغبة قوية اني أغير الـTemplate بتاعة البلوج
و يمكن كمان بتاعة حياتي ..
ينفع ؟؟!
*****
ممكن سؤال ؟
هو انا عايش في انكار لحقيقة الواقع ؟
ولا انا فعلا كدة ..
دايما بعرف اصًلح نفسي ؟
*****
الصيف خلاص دخل ..
بكل حره و دوشته ..
بس في وسط دخوله ..
الشتا افتكرنا ..
بحبة مطر خبت الناس في بيوتها من تاني
مستنييناك يا شتا ..
ماتنسناش
*****
حتى في عز لخبطة الدنيا ..
و انت مش معايا هنا
بفتكر ابتسامتك ..
و أطمن
*****
شفتي الولد الخلبوص عملها ..
و بقى أب ..
و خلاكي جدة ..
كنت حاتفرحي قوي لما تشوفيه
ايه كنت دي !!
ما انت أكيد شفتيه ..
و فرحتي ..
يا أنًا
*****
الحاجة اللي اتعلمتها ..
و اتأكدت منها تماما ..
اني لسة ..
بتعلم
*****
يا مصر ..
اذكري ..
و احذري

We don't feel empty when we have nothing to do ..

We feel empty when .. nothing we do .. makes sense

Come to the edge, He said.
They said, We are afraid.
Come to the edge, He said.
They came.
He pushed them...
They flew.

عن الأقمار .. و الثقوب السوداء

هناك .. من يضيء حياتك بكلمة .. بسمة .. او حتى نظرة ..
و هناك .. من يسعى جاهدا لسرقة نور ايامك .. بكلمة .. بسمة .. او حتى نظرة ..

كل يستخدم الوسائل ذاتها ..
و لكن النتائج تختلف ..
فمن يضيء حياتك .. ينعكس ضؤ سعادتك عليه .. ليضيء حياته هو الآخر ..
أما هذا الذي يسعى لسرقة فرحتك - و ان نجح في بعض الأحيان- لا يزيده هذا الا حقدا و كراهية و انغماس في ذاته المريضة ..

تماما مثل ضؤ الشمس ..

يجتذبه القمر و ينعكس عليه .. فيضيء نوره الفضي البديع سماء جميع الخلق ..

و تجتذبه الثقوب السوداء .. لتضفي اللون الأسود على كل ما حولها .. و تعيش هي في ليل أشد ظلمة

سعادتك و اسعاد من حولك .. بيدك ..
و كذلك تعاستك ..
و لن تحصد .. الا من جنس ما زرعت ..
فلك الحرية التامة في الأختيار ..
كن قمرا ..
او ثقبا أسود

عدنا ..

مر أكثر من ثلاثة أشهر على آخر مرة كتبت فيها بوست في البلوج ..
اتعجب جدا من فترات التوقف ..
غريب الإحساس ده .. في زحمة الدنيا و الأحداث .. و مع وجود الكثير من الموضوعات في ذهني ..
اتوقف فجأة عن الكتابة ..
اجد نفسي غير راغب .. او يمكن .. غير قادر ..
و على طريقة " أنا أضيف ؟؟ .. دا أنا غلباااان"

هل هو ..
ملل ؟
يمكن بشوف ان الدنيا زحمة اصلا .. و مش ناقصة زاحمة زيادة ؟
نفسي بتتسد من الحاجات المزعجة اللي الواحد بيشوفها ؟؟
مش عارف فعلا .. بالسبة لي .. هو موضوع مش بفهمه ..

لكن بجد .. بجد يعني ..
بعيدا عن كل محاولاتي للتفسير ..
بتوحشني الكتابة هنا
بس كدا ( على رأي ناس)